Дэлхийн шинэ 7 гайхамшиг

Дэлхийн шинэ 7 гайхамшиг Lisbon-ы маш том шоун дээр тодорсон байна. Шинэ 7 гайхамшиг тодруулах саналыг интернэтээр ба SMS-ээр авсан ба нийт 9 сая хүн оролцжээ. 

1. Таж Махал - Энэтхэг

Энэтхэгийн Агра хотод орших Taj Mahal хэмээх алдарт бунхныг Могулын эзэнт гvрний хаан Shah Jahan өөрийн хайртай хатан Mumtaz Mahal-ынхаа дурсгалд зориулан бариулсан тvvхтэй. Могул улсын уран барилгын хамгийн гайхалтай бvтээл гэгддэг энэ байгууламж Перс, Энэтхэг, Исламын уран барилгын хэв маягийг нэгтгэсэн байдлаар бvтээгдсэн бөгөөд 1983 онд ЮНЕСКО-гийн Дэлхийн өв газарт бvртгэгджээ.

Төвийлгөж хийсэн чулуун хээ

Эрднийн чулуун чимэглэл

2.  Чичен Ица пирамид.

Chichen Itza бол Колумб америкийг нээхээс өмнө бvтээгдсэн археологийн дурсгалт газар бөгөөд эртний маяа vндэстнvvд барьж байгуулжээ. Өнөөгийн Мексик улсад орших энэ газар жуулчдыг ихээр татдаг газруудын нэг юм.

3. Бразилийн Рио Де Жаниеро хотод байрлах Христийн хөшөө.

Бразилийн Рио де Жанейро хотод байрладаг Christ the Redeemer хэмээх энэхvv хөшөөг урлагийн Art Deco жанрын хамгийн том хөшөө гэж vздэг. 9.5 метр өндөр суурьтайгаа нийлээд 39.6 метр өндөртэй, 30 метрийн өргөн энэ хөшөөний жин 635 тонн хvрдэг. Christ the Redeemer хөшөө нь Tijuca Forest National Park-ын Corcovado уулын оргил дээр байрладаг байна.

4.  Эртний Ром хотын Колизей.

Италийн Ром хотын төвд орших Colosseum нь зууван хэлбэрийн амфитеатр юм. Ромын эзэнт гvрний vед баригдсан хамгийн том амфитеатр болох энэхvv гайхамшигт газар нь ромын архитекторчид болон ромын инженерvvдийн хамгийн агуу бvтээлийн нэгд зvй ёсоор тооцогддог.

5. Хятадын цагаан хэрэм.
Хятадын Great Wall буюу Цагаан хэрмийг МЭӨ 5-р зуунаас 16-р зууныг хvртэлх хугацаанд Хятадын эзэнт улсын хойд хилийг хамгаалах зорилгоор барьж, дахин дахин сэргээн барьж ирсэн тvvхтэй юм
.

6. Перу-ийн эртний Мачу Пикчу хот

Machu Picchu бол Колумб америк тивийг нээхээс өмнө оршиж байсан хамгийн том эзэнт гvрэн болох Inca гvрний газар бөгөөд далайн тvвшнээс дээш 2,430 метрийн өндөрт оршдог. Перу улсын Urubamba хөндийн дээр орших уулсын орой дээр байрладаг энэ газрыг олонх археологичид Inca гvрний эзэн хаан Pachacuti (1438–1472)-д зориулагдан баригдсан гэж vздэг.

7. Иорданд байдаг Петрийн эртний балгас

Йордан улсын Petra нэртэй энэхvv тvvх, уран барилгын дурсгалт хот нь уран барилгын rock cut хэмээх аргаар баригдсан, ус дамжуулах систем бvхий хот юм. МЭӨ 6-р зууны vед баригдсан энэ хот Йордан улсын билэг тэмдэг бөгөөд жуулчдын хамгийн ихээр очдог газруудын нэг юм. Petra нь 1985 онд ЮНЕСКО-гийн Дэлхийн өв газарт бvртгэгдсэн байна.