Аминаас нь тасарсан амь билээ чи
Ачлалтайхан ээжийгээ хайрлаж яваарай
Сэртэс хийтэл цочоон сэрээж ээжийнхээ
Сэтгэлийг нь битгий чилээгээрэй
Биенээс нь салаалсан биехэн билээ чи
Бишрэлтэйхэн ээжийгээ хүндэлж яваарай
Номхон шөнөөр түгшээж ээжийнхээ
Нойрыг нь битгий хугаслаарай даа
Ухаанаас нь ургасан ухаан билээ чи
Уяралтайхан ээжийгээ баярлуулж яваарай
Санчиганд нь хяруу унагаж ээжийнхээ
Санааг нь битгий зовоогоорой доо
Ээжийгээ баярлуулж яваарай
Ээжийгээ баярлуулж яваарай
 |