Хэвийн боовоор амттай шоколадтай жигнэмэг хийж сураарай

Цагаан сарын дараа айл бүрт элбэг байдаг зүйл бол хэвийн боов. Хэвийн боовыг идэж дуусгах гэж бөөн асуудал болдог шүү дээ. Тэгвэл хэвийн боовыг ашиглан хэрхэн амттай жигнэмэг хийхийг сураарай.

1- Хэвийн боовыг жижиглэн хугалаж бутлаад сонин, даавуунд ороож алх, нүдүүрээр нүдэх эсвэл ногоо үрэгч ашиглан маш нарийн ширхэгтэй болтол нь бутлана.

2- Хэвийн боовны үйрмэг.

 

3- Ингээд өндөгний цагаан, элсэн чихэр, хайлуулсан маслыг хооронд нь сайтар хольж миксэрдэнэ.

 

 

 

4- Миксэрдсэний дараа амт оруулах үүднээс ванилийн охь хийж холиорой. /Хийхгүй байж болно./

 

 

5- Ингээд бутласан хэвийн боовны үйрмэгийг хийж сайтар зуураарай. Нялцгайвтар зуурмаг болох ёстой.

 

 

 

6- Зуурмаг дээр шоколадны үйрмэг /эсвэл какао, хатаасан жимс, самар, үзэм хийж улам амттай жигнэмэг хийж болно./ хийж холиорой.

 

 

7- Ингээд шарах шүүгээг 160С хэмд халаасны дараа тавцанг тослоно эсвэл хүнсний цаас хэрэглэж жигнэмэгний зуурмагийг жигд тарааж хийгээд 15-20 минут жигнээрэй. Энэ хугацаанд жигнэмэг гадна талаасаа бор шаргал болох болно. Ингээд л амархан атлаа амттай жигнэмэг маань бэлэн боллоо.

Эх сурвалж: 1000jor.mn